دعوتين و بس

كلفت ف كفنكك دعوتين م الاهل و الاصحاب
هأهأ و فك الحجاب
نزلت تحت يا فالح و كل اللى جنبك تراب
واحد اتنين .. بتعد فين ما خلصوا الدعوتين
قال ياا ساعة لما كنتى دنيا
كان كله متاخد غياب
#إيناس_البنا

كيلو فوق

عارف  دا انا حظى خطير
عايش ميزان ف عنين كتير
"خسيت يا دوب "و "تخنت فيل"
و الرد ايه غير ابتسامه
لا روحى مستنية منك كيلو تحت و الا فوق
لم كل الكيلة عندك
"تسلم يا ذوق"
كل اللى فات ده عيار خفيف
دوري ف الدنيا ضعيف
طالع ف مسرح لابس كوميديا
و لعبت دور حيوان أليف بيوقفوه. ماسك رغيف
و التريقة ع الكيف
و تشوفني بعد العيبة تقولى" فينك"
"مخنوق من اللامؤاخذة. عينك"
#إيناس_البنا