إذاعة شخصية

رأسي العزيز
هنا الوسادة
تبدأ الإذاعة الشخصية
برامج الكلمات السحرية
"ربما يحدث" و" ليتني أعود "
البيت ربما أراه ثانية
و ليتني أمزق بضع و عشرون سنة كي أعود و تعود الأرواح الغائبة
يختنق الهواء
ثم أزيز البث المشوش
رأسي العزيز
أتخاف ؟
تتلو الشهادة بضع مرات قبل النوم
الموت خط النهاية الفائز باللاعبين
تدور حوله فتصعد روحك لمشارف الحنجرة
ترفع اصبعها المبلل لتتحسس حركة الشهيق
ربما ليس الآن
تنسحب العين قليلا للوراء
فتصطدم بالخطايا المعلقة أسفل الجمجمة
تفزع
فترتد لأنفراجها و وساوس القلق
هنا الوسادة
مولاي إني أطمئن بك
يتمدد الهواء و يختفي البث

#إيناس_البنا

تنقص سالبين

صديقتي
المياه تزور بيتي ساعتين
ساعة لي و ساعة لبرميل مقعد عجوز
و الصرف يدخل محشورا
يخشى الغرق فيتشبث بأرجلنا
فيأكل لحم الشارع و العربات المحنطة
 نهم كأنما يملك معدتين
لم أدع يوماً بأني مترف
فأنا أعيش ب كومباوند حياة
تنقص عن معدلها بسالبين

#إيناس_البنا

عيدكم سكر

كل ما تنقش كحكة تبص تلاقي النقشة وش مكشر
تقرص مرة و مرة عجينها
 يزوغ الوش
و اما تحطه ف قلب الصاج يتغير
يقلب تاني السحنة اياها
يا وش ضلالي شايف حالي
بكرة ها ارشك و اقلب وشك أبيض سكر

عم عشم

لميت كام "يا ريت " حوشته ف ودانى
كل اما باركب قطر
الكمسرى يعضها
و يقولى طير ياخفيف
العملة برانى
عشمان و عم عشم بيوكلوه  ضاني
عم عشم  ماشي يزيأ
ودن و قالت جيبه الضيق
هيزحلق جوز م الميات
ودن وراها القلم الجاف
و النضارة فوق ال اكتاف
مدت ايد ورا ايد و استنت
بعد ما زهقت
ربطت ودن بخيط ف جيوبه
و كل كلامها بقى إشارات
... ودن و قالت شايل شيله
كانوا من عيلة التعلب فات
هنهيص و نعيش الليله
 بامبي و نرقص جوة الغنوه
طلع كل الزينة وعلق فيها كهارب
شد اكباس النور حوالينا
و اقفل باب الحارة علينا
اما عجايب من امتى بقى لينا حبايب
لزقوا عنيهم جوة ودانهم
وكل مايمشوا الحيط يغلبهم
 ... ودن و قالت يمكن فار
يطلع  فار و اتنين من عبي
يلعبوا ع المتخبي قمار
حطه يا بطه
كل اللحمه حمار أو قطه
نضحك ضحكة سكر بره
لما نشوف الليل ب يسك
أقول بالمرة نفسي ف نوبه
أحس ان انا غلطان و ب اعك
عم عشم كان ماشي  يزيأ
سرقوا الجزمة
بقى دلوقت ماشي   يزك

#إيناس_البنا