عافية

عفيان عليا الصبح 
ازقه و يزقني
يكري عليا العيال
رايحين لمدارسهم
بزعيق و ميت موال
و دا حلم بالتأخير
تفتيش و هدة حيل
حضن المنبه عقربينه و مات
خبطت يا اهل السهر
لموه من الملايات
و آخرة البلطجة فتحت على سهوة
ضحك ف بلكونته و عزمني على قهوة
‫#‏إيناس_البنا‬

ومضة

لا أثق بحفيف النار .. أنت معلق بالموقد عندما تنتهي آتني برمادك كي يتحدث

تلقيمة شاى

تمنك ايه 
تلقيمة شاى عروسة
تمنك جنيه ب تلات معالق سكر
يمكن يحلوا المر ف العوزه
يمكن يحلوا المر فوق جتتى 
و يلونوا الأحمر بلون شفاف
عارف يا بيه قبل اما تضرب لو سألت نفسك ف ايه
كان نفسى ف التلقيمة الافرنجى
و الفتله تتمرجح تمزجنى
...؛
طلقه طاشت يعني ايه
احكم انت يا قاضي بيه
مين و ليه
...؛
انت تانى يا اسمك ايه
احبس الكوبايه يا ابنى
و اكتب القصة انتحار
انت حار الكل فيك
تصب الميه مغلية
دليل دامغ سواد نية
‫#‏إيناس_البنا‬

خزائن زاوية الفم

الأطفال و القطط ..كائنات معلقة بخزائن زاوية الفم 
فى قائمة اليوم ضحك و قبلات شهية 
آكل بعضها قبل الذهاب للعمل 
و فى دفتر الحضور رجل يزن بعض الدجاجات النافقة
لا أحد يبكى الدجاج 
فقط أنا أبكى القطط الجائعة
أبكى إمرأة تجلس كبقعة سوداء بجوار الأرض
لا تختزن سوى نظرة جانبية لل لحم طازج
و بقايا فم صامت
‫#‏إيناس_البنا‬

أرض من القفه

يا حلاوتك يا مبلط ف اللفه 
يا صغير قوى ع الخفه 
نتسلى بكام الف شهيد 
و نوزع أرض من القفه
يا جمالك يا ابن بارم ديله 
بتهز الديل/ اللعبة بمنافعها تجيله
واللعبة دي كانت بنك الحظ
و احنا عليها ورق مصروف
خوف ورا خوف
نتشعبط فوق حيل الشوف
..* شايف ايه يا مواطن بلدي؟
- ألف بارومة بتاكل جلدي
..* شيل رجلك م السكة يا افندي
مين قالك سكة أبو زيد فيها مسالك
دا ابو زيد تايه
راكن على جنب و متغطي
كل السكة " جراج " م الأرضي
و التذكرة لدخولك عندي 
بصمة صوت
صوتك طلقة تصيب ما تعدي
تجيبك تحت
جيت ياالافندي
حاجزلك متوى برشة ميه
خطي و شايل كفنك عندي
و خدمة سبور 
كل ما تزهق 
تلقى صحاب نازلين بالدور
‫#‏إيناس_البنا‬

غزل بنات

يا محلي غزل البنات 
الدنيا نكتتنى ف جيوبى ضرتنى 
و لا شفت غزل يحن على نومتى 
يا صبتين أسمنت تحت الخد عديت ترابك عد
الكيس تلات الوان و غامقه هدمتين ع القد
حليت لك السكة بجنيه
سايبنى ليه نقطة تحت الخط كل ما باتعب ع المطب اتحط
‫#‏إيناس_البنا‬

ضفيرة الشهيق الأخير

على ضفيرة الشهيق الاخير أتأرجح بين الزفير و الآخرة
أيكتفى الآن ؟
بعد أن ارتديت من العمر ثلاثين مخيطا وأحد عشر رحيلا 
يرتعش الخافق فأصلى للموت المقدس مرتين 
ثم أرحل على وعد لفتاة الوساده
بأن أهجر الغيم و الهوا
....؛
كل صبح هناك ضوء ماكر أخمش الهواء لأمسك به
فيلطخ أصابعى بأحمر شفاه داكن
يغمز لنظرة تتعجب منى
فأكمل السطر الأسود خلف العين لأخفى علامة التعجب
ثم أقذف دفقة عطر لجيدى / للمرآة ..فأرتد إمرأة أخرى
....؛
بحدائق المساء
حشرات شعر نهمه تبحث فى أرضى عن ثمر الخطايا الأسود
تأكل ذاكرتى و تستمع لصخب الإناث الأخريات
حبيساتى - من غلقت القضبان عليهن -
يثرثرن
هن و الحشرات يختلط الدم بيننا فيصبحن صديقاتى
كل خريف أمشط رأسى فتقع الممتلئة منهن
أقتلها فتموت الأصوات الزائدة
تنسحق دمائى بقتلها 
الأصوات مصدر الماء 
تتصحر رأسي ..أرض السجن
فتمتليء القافية بالشعر الأبيض
فى كل مساء أكنس النقاط خارج قصيدة
إما أن تثير دوائر من الغبار المحلى بالدمع
أو أنثرها قصاصات صغيرة فتكون أمطار طفل يضحك
‫#‏إيناس_البنا‬