صبار

صبار زمانك
كل ما أقولك روحى ثوانى
تجرى و تقطف شوكة عشانى
رحت أوصى الساقية
-وقعت ف عرضك مية ف أرضك
فلتت منى بضحكة عويصة
حدفت كام حلم ف تقفيصة
-أصلك طالبة فوق العادة
أجرى محطة زيادة
أدهن حيطة بلون شفاف
يمكن غيط الورد يعدى
يلمس خدى
على صوت صفارة شديت يدى
و وقعت
لما ألمسك و أنا نايمة تانى
إقفل الشباك و خيط ف المخدة عيون
شفايف
و إوعى شعرى يبص خايف
خطوتى تصدق و يمكن تتفتح ف القلب وردة