دربُكة

بتبدأ الدربُكة
طبلة قامت دق زاطت
هز فكة
و بأتمايل
و انا قاعد على الترابيزة 
قال يعنى
غرام والع بيلسعى
و اقول ليت
و انا ف سرى كمان ليت
تشق الطبلة و تبطل نمر بايتة
يوماتى شايفها تتمرجح
امد اديا ف جيوبى
و اقوم ناطط على المرسح
بأنقطها برشة بنكنوت مظبوط
و مختوم جوة بنك الحظ
يقوم الغاوى يتشطر و هاتك "دانس"
و فيك من يكتم الأسرار
تغمى عنينا ف الساقية
أنا ميت و هو حمار
‫#‏إيناس_البنا‬