مولد

و آدى منحة مولد يا مواطن
مية و خمسين آهية يا افندى
تاكل بيها حتة ملبن
اللوز و الجوز تقليعة لاوندى
طلبك عندى
غمض عينك تاكل ملبن
نص الفتحة بقرش حشيش
تفتح خالص راح الفالح ف طابور عيش
 يا حلاوة المولد  ب صوان و افيش
و بطولة ذواتى عروسة كنيش
طعمها  ماسخ
كان القلب العيل بيلونها دواير
كبر القلب و خبوا حصانه
آخر مشيه ف حلم كعابه
بقى حرافيش
يا حبيبى يا كل حلاوة الروح
مشتاق طلة
مشتاق غيمة عينى تمطر
 يملا السكر جوفى بقربك
يسجد تحت القبة الخضرا
و أخرج بره شقوق الخوف
كل الشوف يتغمى بنورك
نفسى أجيلك و أرمى الطعم و كل الشوف
#إيناس_البنا