فانوس بلكونة

زمان
علقت روحي فانوس  بلكونه
 ف بيت مليان قفاص عصافير
و عيلة الضحك فيها كتير
كبرت
 و تاه الضي مني وسط العمر
 كبرت
  كل اما اشوف بلكونه أدور فيها على ضيي
و لا بلقاه
يجز القلب على سنه خناقة و آه
و آه من حلم دفيان كل وقت هناك
و آه من شتية الصحيان
 أعاكس كل بلكونه بتسبيلة
تقول " راح تبقي مجنونه "
افتش فيها ع الزرعة و ع العصافير
و احكي كتير
أكون قصتها قبل النوم  ف تتاوب
تنام فيا
صاحبت البلكونات اكتر من الساكنين
يا ريت يعني تخبوا البلكونات عني


#إيناس_البنا