ساعة النوم

دقت ساعة النوم
و إعتراف الموتة الصغرى
أنا شخصية " كرتونية "
و قذفت لهذا البعد الحجري
حيث تتناحر دمىً مكسوة بالجلد
لا أعرفها و لا أهتم
في ساعة النوم أظل أبحث عن دائرة سحرية أنفذ منها لعالمي
أتقلب حتى يزمجر الفراش من تحتي
فأغوص
عالمي من ال" toons" يمتليء بالقطط
بالبيت المستنسخ
و بعصافير عالقة بشرفة قديمة
مواء فأقفز وراءها
فاصلة  ضبابية
و محقن يدفع فراء ليختلط بدمي
ثم ينمو الفراء الناعم
أسناني عجوز تعرف أن اللبن لن يعيدها
فتتبع حمية الدقائق المجانية
دقائق و أحضر ، دقائق و أذهب ، دقائق وأنتهي ثم دقائق و أنام
آكل دقائق اليوم جميعها
يتكدس الوقت و يعيد الفقراء توزيع الأمنيات
فيطردني العقرب السمين و يتعاقد مع أفعال أخرى
ك "سنوات و ربما يحدث "
في الأرض الأخرى أعرف البيت برائحة أمي
تهتدي القبلة منها لجبيني
تطعم العصافير المنسية بالشرفات
ثم تذهب
فتأتي شياطين اليقظة
 و تنبيه إغلاق البوابة
إحترس البوابة تركض للخلف
أتشبث بالفراء
تنبيه فأنزلق للخارج
كم أكره أنين الزمن الصادر من ساعتي
الآن .. أنا دمية مكسوة بالجلد

ف اديها دبلة

جه معاها
زيارة هايلة
جت توري عروسته ليا
و الهدية   ملفوفة ب ابيض
لون الفرح .. زاغت عنيا
و عنيها  زقت الحلم فيا
بتقول يا حلوة ماتبصي تاني
ده لون كفن لحبك اللي مالوش معاني
متشبكة الزحمة ف عنيكي
طب حلي بقك و ف زحمة الحوارات هفكك
نزلتي من قلبه يا حبي و حكمت له بعروسة باربي
بصيت لها
كل اللي شفته ف عنيها دبلة
ف اديها دبلة
و انا روحي وردي لون الستارة اللي وراها متعلقة ف كل الدبل
دمعة جمدت جوه جفني شدت ستايره الغامقة من عيني
شفته صغير بنظرة و لا عارفة تعبر
و انا كنت فاكرة النظرة ديا هي بعينها كانت زمان شايلة الغرام
دلوقت فاضية م الكلام
ضحكت من قلبي على الحوارات
و بنظرة بيضا بصيت لها
بيضا مفيهاش ذكريات

#إيناس_البنا

ف كيس اسود

ف كيس اسود لمحت الجاكتة
ع الأرض وطيت جنبها
و تاهت مني حتة
حضنتها
الحضن سرسب بين ضلوعي  
رقصة كانت يوم فرحنا
بس كان الحضن إنت
مليت بطيفك كل الهوا حوالين عنيا
زقتني ساعة
مال الهوا فوق يمة تانية
و نط بيا خطوتين بره الجاكتة
 فكيت اديا
يمكن تكوني الفرح جوة قلوب جديدة
يمكن و يمكن و الأكيد ها تكون سعيدة
نظرة وداع بصيت لها
و ف كيسها الأسود سبتها
#إيناس_البنا

مديت اديك

مديت اديك
و نتشت كل الورد من خدي
ف عنيا سكة جنب جرح مالوش يومين
سكة ضلمه بتدور على نورها ف الماشيين
و اديا دبلت ع البيبان المقفولين
طب اروح لمين ؟
فايت ف قلبي الضحك من ع الوش
الضلع مكسور و النفس داخل يوش
كل الحروف ف آخرها صوت معلش
و لحد امتى ؟
كل الحلول أولها أنت
و أنا كل جمعة بأبدل الورد اللي مات
بورد تاني فوق خدودي مقصوصة منه الذكريات
#إيناس_البنا

إذاعة شخصية

رأسي العزيز
هنا الوسادة
تبدأ الإذاعة الشخصية
برامج الكلمات السحرية
"ربما يحدث" و" ليتني أعود "
البيت ربما أراه ثانية
و ليتني أمزق بضع و عشرون سنة كي أعود و تعود الأرواح الغائبة
يختنق الهواء
ثم أزيز البث المشوش
رأسي العزيز
أتخاف ؟
تتلو الشهادة بضع مرات قبل النوم
الموت خط النهاية الفائز باللاعبين
تدور حوله فتصعد روحك لمشارف الحنجرة
ترفع اصبعها المبلل لتتحسس حركة الشهيق
ربما ليس الآن
تنسحب العين قليلا للوراء
فتصطدم بالخطايا المعلقة أسفل الجمجمة
تفزع
فترتد لأنفراجها و وساوس القلق
هنا الوسادة
مولاي إني أطمئن بك
يتمدد الهواء و يختفي البث

#إيناس_البنا

تنقص سالبين

صديقتي
المياه تزور بيتي ساعتين
ساعة لي و ساعة لبرميل مقعد عجوز
و الصرف يدخل محشورا
يخشى الغرق فيتشبث بأرجلنا
فيأكل لحم الشارع و العربات المحنطة
 نهم كأنما يملك معدتين
لم أدع يوماً بأني مترف
فأنا أعيش ب كومباوند حياة
تنقص عن معدلها بسالبين

#إيناس_البنا

عيدكم سكر

كل ما تنقش كحكة تبص تلاقي النقشة وش مكشر
تقرص مرة و مرة عجينها
 يزوغ الوش
و اما تحطه ف قلب الصاج يتغير
يقلب تاني السحنة اياها
يا وش ضلالي شايف حالي
بكرة ها ارشك و اقلب وشك أبيض سكر