صورة 6

هناك حيث تمتزج الشمس بأمواج لقاؤك
الغيم يصيبنى بدوار كأحلامٍٍ معك
تهذى كلماتى
و أذيب ف عينيك أقراص الهوا
كى أنبعث صفاء العودة
فتفور مع دقات قلبى
و تعتنق شفتاى دائك

هناك حيث تمتزج الشمس بأمواج لقاؤك
الغيم يصيبنى بدوار كأحلامٍٍ معك
تهذى كلماتى
و أذيب ف عينيك أقراص الهوا
كى أنبعث صفاء العودة
فتفور مع دقات قلبى
و تعتنق شفتاى دائك

في ‏‎Montego Bay, Jamaica‎‏.

صورة 5

إيه راح يفيد

ايه راح يفيد الناى و السوس مخاوينى؟
مولود عيونك ويوم سبوعك دبحت فجرين عتاقى
و حلفت ع الضى يصدح بالغنا
قال حلقاتك
والحلقة الدهب ضاقت على ودانى
خنقت حناجر غيطانى
و الصبح نبت غريق مستنى غنوة ضى
صحيت بنات الحى ع الموال
و بات اللى طالع بكاى

ومضة13

ها أتعلم أمشى م الرشاح لبر نيلك و حالف لما أوصل أحكيلك ع الطفل أول ما سنن فتح إيدين السكة يحضنها كترت عليه النقر و حصى ما له آخر

صورة 4

عيناك تحتل شغافى
فيستعر النبض
أغمضى عينيك
و دعى الشفاه حرة
كى أثأر لقلبى

.........
 تصميم وجدان الدواخلى
 

ومضة 12

مع كل طلعة مارس بتدق
لا بترن
بتنحتك كل ربيع تئن
و تفك قيد القبر تروى العطش
كانك ميت و دمك حن

عنقاء

تصميم  وجدان الدواخلى

Wegdan El-Dawakhly

واحدة

واحدة روحها بتتقلب من نور لنار
تبقى بتعيط و فجأة تجرى تضحك بإقتدار
يلحق الشاطر زناتى
يقطف الأحﻻم يوماتى
و اللى يمﻻ عدادات القلب
بهدومه القديمة
زقتين و التاكسى يعطل
ف البنية تقف يتيمة
دمعتين على ضحكتين
و صورة الأيام لونين
بكرة ممكن مش علينا

رداء ..ق.ق.ج

أغلقت المذياع و الأبواب لتعلن نهاية اليوم و بداية الليل معك فأسلمت الحلم وسادتى الطائرة و رأيتك .. أحقاً أنت هو ام عبث إشتياق فظ وأد أجنحة الليل بغرفتى و بعد حين من الرؤيا تحررت داخلى و أحسستك تمتد لرغباتٍ أخرى لا شىء سوى الإقتحام عينه الذى تتمناه و أرهبه .. الجنى يتلاعب بالغياب و يتعقبنى بلا طريق خلالك كى أرتديك و أشعل فتنة اللقاء ..أفتعل خطوات للخارج تبحث عن مهرب منك ثم تتهاوى إليك ..الرنين يعلو كطنين مزدحم يختفى بالركض ثم عندما أهدأ يتبعنى كبوابة مغفرة أتحرر فيها من إثم عينيك .. الرنين يعلو فأنتفض لصحوة يوم آخر و أكواب صباح مفتعل تذوب بينهم بقهوة لا تنتهى .. تحركات الناس طنين مزعج لا يختفى و لا أراهم كأنما الأطياف غُلقت دونك و أخيراً تناثر عطرك و ها أنت جئت على موعدى و ثمارك المحرمة تأكلنى .. تستنشق الهواء فأتمنى ان تكون ذراتى هواء تقترب يديك من صدرك المحترق أمامى فأمتص جنونك المشتعل بى ثم .. جلبة ورائى هذه صاحبة المتجر.. ماذا؟.. لا أرجوكِ إتركينى فى الواجهة لا تستبدلينى أمامه ..سيحزن لفراقى ثم من هذه برداء النوم اللامع المبتذل و كيف تبدليه بردائى الشفاف ؟ ... إلتفت إليه فوجدته ينظر إليها و قد إتسعت عيناه إنبهاراً بها فنكست قلبى و تركتها تنزع ردائى لتبيعه ...

—

تلفون

تليفون قلبه فاصل الإتصال
مستنى عملة روحى تشحن
و أخربش الكارت برموشى
و بدقتين القلب إسمه يترسم فيتم الوصال...

بنت صايعة

 بنت صايعة
تستنى قطفة شفايفك م الشجر
و تقول إن إبتسامتك أصل المطر
و الشمس محتاجة لقرار بالإنسحاب قدام عيونك
نظرة و التانية و شرز ف الهوا
على دقتين قبل السﻻم
فيطل منها نهار يطير جواه حمام
و البنت مستنية مرسومة جنب الصفحة
و ف كل صفحة السطر بيميل عليها
و يمسح الدمع ف عنيها

  ..............
تصميم وجدان الدواخلى

صورة 3

ظلالك بمياهى ربيع آخر
يزهو التيار بأوراقك
يأخذه الدوران العاشق
الصبح رفيق لا يعرف عد الأوراق
و الصيف ينتظر بالأفق
يحمل طيف جفاف و فراق

تصبح على خير

تصميم وجدان الدواخلى

يا ريت أقدر

 يا ريت أقدر
أقطر من سما روحى دوا لقلبك
و أعيش العمر نور طافى
و لا يشقى ف يوم ضحكك
يا ريت أقدر

 .............

تصميم وجدان الدواخلى

 

إلتئم

إلتئم
فأنا ﻻ أملك صوت
يكفينى كى أتعطر
خلف بوابات الليل
و لليقظة شراشف أخرى
تحتمى فيك
و الفجر دوما يلفظنى منك
ساعات غجرية
و تدور التنورة الملونة بيوم آخر
تختفى عينيك بسحب الشفق الأحمر
أصدأ و يحترف الجدب قتلى
.......................

تصميم وجدان الدواخلى ..روعة

 

جرح

 

 الجرح غاوى يتمشى ف ضلوعى
و يوم البرد
بيولع شوية دمع يدفى
شال الغطا م القلب
و شدنى منك
و خرج يلف التراك
ورا ضلع تانى هناك
الضحكة شدتنى و أنا من زمان باكى
و قالت لى ترهن عنيك
و أعاوده بين يدك
قلت لها يرمح لحاله
بس العيون ريس ماله

 .....................................

 تصميم وجدان الدواخلى 

أمايا

يا أمايا غطى القلب م الدوخة
طاله الهدد
بيدق ع الحيطان
شايل جناح عطشان
شققت يدى
و سواد حافر ف خدى
يا أمايا ضاق الهوا بصدرى
طليت على طينى
البرد صاب طرحى
زرعت الفجر
الرمل هاجر لخط السما
فك الجناح / قربت
و طلعت بالدعوة أحلم على جبينك

و لا يهمك

و ﻻ يهمك ..أربط ف حلمك دوبارة و طيره للشمس
و لو إتزنقت ف حارة سلمها جوانى خبط على حبرك
و بص لفوق
بلكونة هواك تنشر غسيلها
و ترفرف الصورة

قال البلد

و قال البلد عايزة ولد 

تحرق جبينه اللى أتولد

قال البلد تشتاق جناح

علشان تطير 

و الموت غفير 

أول نمو الريش 

يقول ال ها تعيش 

و يحش برجل ف الغيطان 

دا هيش و مش لازم يبان 

و يهد حيط برج الحمام 

يقيم حدود الصومعة 

الغلة شاحة و الغيطان متشمعة 

قاعد غفير على دقتينك يمنعك 

ضمة يدينك على حلمك يحوشها و يسرقك

و الروح قاطعها غيار ليده

على عتبة الحنة تصده

زعق الهمام مشتاق ينام

قال البلد تقتل ولد

صورة 2

أعرف هذا البيت كان له رهبة خاصة و رائحة متميزة ...رائحة جدتى ...داخله باحة كبيرة و غرفة جانبية كانت تجلس بها دوماً و حجرة صغيرة كمخزن داخلى بجوارها كنت أتوق لإستكشافه لوﻻ خيالى الذى يوحى لطفولتى بوجود الثعابين هناك ..ينتهى كل هذا لسلم ضيق و دور علوى بحجرات صغيرة تقطنه أمى فى الرضاع فأصعد إليها و تمتلىء أنفى برائحة النعناع و حضن دافىء يمتلىء به قلبى .. اليوم تثاقلت الخطوات إليه لم تعد به رائحتها و لم يعد بالطابق العلوى مسكن لقلبى ..المخزن لفظ رهبته و إستضاف " طقم صالون " ليحل محل "الكنبة الأسيوطى " لإستقبال الزائرين ..بجوار السلم فقط بعض النعناع الأخضر داخل مصفاة تركته ربة المنزل ليجف ..تنفسته و تذكرت مقولة جدتى .."الشاى أبو نعناع ما يخلى بالقلب وجاع "

صورة

و هنا تنتظر بوابة السماء
ترقب خطواتى
بندول الساعة يحتضر
فيإتيه الإظلام سعياً
الضوء شريد
يقيم صلاة الليل
و يختبىء فى مشكاة ظمئى للمغفرة

 

بيحب يكلم ستات

بيحب يكلم ستات
و يشرَق جوة عيونِك
و يغرب ف المسافات
بيحب يعشش ف حياتى
طيران ذاتى
يرمينى ساعات عادى جنب المقامات
مقامات الريش المتعاجب
بغسيل دايب
عصفور بيصوصو ع الشباك
و أنا كنت هناك متعلق ع الحبل السايب
و فلتنى المشبك
طيرنى على السقف المشقوق
خلانى أفوق
و أبص لفوق
و أتعلق بالعصافير وياك

ومضة 11

واحد ما بتحبوش
أفعاله مش حيطة
عديها و إتمنى
يصيبه يوم خربوش
و تزغرط ف الزيطة

تعيش

تعيش جوة قلبى اللى طافح مرارك
تعيش جار مﻻمحى و يملكنى تارك
و يقتلنى نجمك يا فارد ف عصرى لحافك و مستنى حلمى ينور مقامك
تعيش السجون و تحرس جنابك
و أنا غضب عنى ها ألمع نيشانك
و أموت ف الماسورة و ﻻ أقلق منامك
تعيش إنت بعدى بفرم الديابة
تمزع ف جلدى
و تمضغ ف عرضى
و أقول رغم وردى اللى فارش ف أرضى
بارودك بيفرش صراطى إستقامة

ومضة 10

ماشى تجرجر قلبك على السكة
زحمة فيك دخان بشر
كلهم شايلين عنيك
كل حكاياتهم شجر
جوة الخريف مستنياك
ورقة و محرومة المطر

ومضة 9

و حردت قلبى و قلت لك ما يليقش
و الذنب ذنبك فصلتنى ف توبك كاوتش
و أنا من زمان حالف على سن إبرتك أبدا ما أفوتش

طاقة سواد

طاقة سواد بتفتح ف عينى
و أنا قلبى مش مدنة
مليان بناس صينى
يتكسروا ف روحى
و إنت إقامة روح
مرسى و بتعدينى
لبر مليان ضي
أشوف هواك أمتلك
واحة من الأطياف
ما أقدرش أخاف
و أنا بين إيديك
غير بس من رعشة عنيك

كان وسع حلمى

كان وسع حلمى زمان
على جبينك
و كنت تقولى نهيتك يا صاحبى
عن الورود
خليك ف نزف العود
و أنا من يومين
شلت الأسامى المكسورين
بس زاد فيا الهدد
إنى ما لحقتش أعدى لك
و أناولك المدد

سوى لى التوب

سوى لى التوب على نار هادية
دا أنا طاير و السما مش فاضية
نزل لى إضافى حيطان ميرى
و أسلق أسعارك من نيلى
فك الأحﻻم من على وسطى
و إشترى مكيال
فيه عيال بتهوهو ف النادى
و ده شىء عادى
و عيالى بتعزق ف الضلمة
و أنا بره الدعم ف كرتونة
طالع من قلبك بصابونة
شق الأنفاس ف جبال الصوت
فك الترباس و أطلق فجرك ع الحراس