فطار

على وش فطار 
تسقية عيش بحليب /بضحك عيال
فتافيت الشمس  بتدخل و تزق الشنكل م الشيش
و اما بحاول أمسكها بتهرب تعمل جناحات ع الحيط   / و تعيش
ورنيش الحيط زجزاج صاحى 
بيلخبط صوره / حريف حواديت
و بيرسم شجرة جوة البيت 
أرسم عصافير  بأديا
ف يطير الريش ف عنيا
تبربش ضحكتى فيا
تجرى الضحكة تقول
ها ألحق غنوة لبياع الفول
ما عرفتش و لا مرة أترجمها مع إنى ف قلب الغنا محشور
قلبى زمان 
كان عصفور غاوى النخل 
و البلح أحمر زغلول
 بالنوى يحدف قلب الماشيين
بره الشيش 
من غير مكياج و لا كرانيش
روحهم تخضر
....؛

إيناس_البنا