ماجدة \ إيزيس

هى إيزيس 
لكنها: عنيها عسلى و قلبها بحرين محبة
و لا عمرها قالت ف يوم لعنيا تجرى و تستخبى
هو بيشغى ف دمها
و هى أم ال رحاب
حضنها غنوة
إيزيس بترمى الحلو م السفرة
و تحب ملحه
حراق يا وجعى
كل ال طباق فلفل
يا كبدى على ولدى
و الكبد ما إستحملش
الشعر لساه ما خرطش الأبيض
لسة حبيبتى صبية
يا أمايا فكيها منك
و سيبى لى شهر ربيع
أزرعنى فيه وردة
يا طلعة الصبار خفى على قلبى
تعبت
يا كرية شدى العيال / شريان
زق الكيماوى الميدان
و اتكسرت فيا الكور
يا كرية ضمى
أحمر الغيبة ف عنيا عدمنى
إيزيس حبيبة بجد
بصت لى قطمت حشايا
و الصفرا كلت الجلد
و الصفرا كلت الجلد
....................
إيناس البنا