مزيكا الورق الأصفر

مزيكا الورق الاصفر
رحلة ف معاني ال وشوشة
ششششش
زي الخريف
تقع البنات من ع الشجر
موسم خروجها م الدولاب ساندة ايدها ع الكتاب
اولها "ش" شايفة الحياة ف عيون كتير
كل الجمل خوافة جدا
كل اما تلمس تاني ش ل شعور معدي
تكش و تلوم قلبها
تغمز  لها ال "ش "ف شوق تندهلها
يشغي الشجر عصافير و هاتك زقزقة
لحد" ش" ال شوك و نقطة / دمع نقر خدها
نام الخريف
صاحي الخريف ع الشعر الابيض
 فاق الهوى ملا الجناين وشوشة
كل الورق نازل بيحكي
زي القصايد
تفتح اديها للمطر الأصفر
يقع الكلام
ال" ش" شبكها ف كل النقط
كل الحكاوي بتنط منها
بس الجديد خلص المقدر
كتبتها ع الورق المسطر

#إيناس_البنا