تاتا خطي العتبة

"تااتاا خطي العتبة "
"تاتا "ياهناكوا يا عصافير
دا انا شجرة بتاكل زغاليل
"هم المم "  .. يا عصافير غم
كل ما امصمص عضمكوا فاضي
و" يع " اللحم

"تاتا " ع النيل  إلتقيتك
ماشي ف المواسير مصدي
تيزا حطت لي فلاتر فوق فلاتر
 ميتي ماركة "يا ساتر"

"تاتا "و بتكبر يا زين
خطي على العتبة اليمين
فيها ياما مقتولين
معاهدة و جزيرة و قنال
للي هاود و اللي واهب و اللي شال
خطي على العتبة الشمال
"تاتا" يمكن راح تعدي
شنطة عبيت فيها بختي
و بختي خلا البحر مال
قلبي عطشان بيبسي كولا
و البلد دي ملح صيني
"تاتا" مدفون جوة جلدي
ملحي فوقي ..ملحي جنبي
 ملحي جتة جنب جتة
و اللي فارق بينها  كان .. لون الجاكتة

#إيناس_البنا