ورد أبيض

داخل عليا بورد أبيض شايله ف كفك
شطبت عنيا كل الكلام وحضنته منك
سألت ورقه فينك بقى !
انا من زمان متشوقه
لمسة و فرحني اللقا
.. قال لمحته بين سواد الليل و شابب
زي دمعة كان رماها اتنين حبايب
ذكرى ضاعت ع الرصيف
لما تدبل يرجع القلب النضيف
أو ..يجوز كان  حفلة و الحفلة تلاهي
وسط ضحك الكيك و أطفال التباهي
نسيوا بصة ورد فوق ضحكة  بعيدة
ضحكة كانت نفسها ماتمشيش وحيدة
أو.. يجوز كان غمز عين من واحدة تانية
شافت عنيك ناقصها شوك من وردها
بس الأكيد ما يهمنيش لأنها
رماها الورد تحت الأرض 
أول ما سألته  عنها

#إيناس_البنا