سعيد

الضجيج لا يحمل تراخيص و الزحام يئن فى روتين يومى ... " لا جديد فى هذا 

الإنتظار و السيارات حولى - يتفحصها - بلا عينين أو شفاه تزاحمنى الهروب لكسر 

الملل ربما المارة إذن, هذا الشخص مستفز حقاً يقف وسط السيارات و أزرار قميصه 

مفتوحة بكامل صدره فاغراً فاه فى تحدى واضح .." ده شكله بيزعق أكيد بلطجى ما 

البلد لمت اليومين دول و السرقة عينى عينك , تلاقيه بيلم إتاوة م التكاتك " ...أنظر 

حولى لأرى وقع كلماتى على المنتظرين فأجد نظرات خاوية ثم همهمات من سيارة 

بجانبى للخلف ألتقط منها جملة " ولاد ال... سايبينهم ف شارع عمومى زى ده " 

فأتحمس أكثر .." المفروض إحنا بقى اللى نطهر البلد م الأشكال دى , العربيات كتير 

حد يخبطه و نخلص بلا كلام فاضى "  و تتحرك السيارات كأنما أفسحت مكانها على 

حين غفلة من الطريق وصراخ يتبعه زئير مكابح  يبدو أن أحدهم أفاق من غيبوبته

 ليصطدم بالبلطجى و بعض ركض للبائعين بالشارع  " سعيد العبيط خبطته عربية " .