ـــــــــــــ
الحر بيستعبط
واقف جنب البنت النسمة
بيبيع عقدين فل
و مناديل حمرا
يتفلسف كل ما يلمس تنهيدة ف صوتها
و يقول جايز يتأخر
الصبر قوام يتبخر
ف تلمه م الهوا ف بالونة
ترحل
صوتها نوتة مكسرة
سلمها يوصلنى
و أنا مستنى الغنا يلسعنى
أغسل وشى
المية شرقانة ف المواسير
أفتحها بتنقط هوا
تتعشم المواويل
و أنا ليلة من غير قمر
و قلبى حبل طاير
مليان غسيل
ليست هناك تعليقات:
إرسال تعليق