جوف

تظبط نغمة الشباك
آدان
يصحى السكة وقت الفرض
حرفين دعا متذنبين للعرض
و ترسم ع القزاز دوشة طابور المدرسة قبل الجرس
و حلم كلمة بكرة قبل حراس السنين ما يلموا غلة ضحكنا و يوزعوا ع القبر صبارة و قرص
الحلق جف
شرقان يا حبل الصوت
و بلة الجوف ..الخرس
نايم ف طرف الموت
هلال يبدأ التقويم
بخبط المسطرة و سكوت
سبورة الحلم مخاوية
ع المنقلة قدامى نايم قلب ليا
بيلف زاوية و يقفل التانية أذية
سن القلم مستنى توزيع الطابور
رجليا مش ف الدور
أتارينى محشور ف الجرس
عامل حويط و مستخبى م الحرس