مروحة

مروحة :
ــــــــــــــــ
كل ما أحاول ألبس عدسة

تغير منها المروحة فتطير

يعنى ضرورى الهوا عميانى

و إﻻ أقفلها و أروح مشاوير

قاعد جنب هواها مسلم

نعكشت الشعر و ﻻ أتكلم

صعب أتعلم ..

أقفل ف المروحة و الشيش

و أصبر عطشى بقراقيش

شايف حركاتك مسبوكة

بتلف دواير حنية

قلبى ضفاير من غير توكة

بتدوب ف المية

و أحلم إنى ف حضن الدوخة

أقطف شجرة بريش عصافير

و ألمها ف الشنطة و أطير

أقطع رحلة لحد نوفمبر