غنوة

يمكن أقدر أزق البحر و أطلع لك حبيبتى
كيس بطعم الملح و اخضر
يمكن أقدر أنقلك فوق الكراسى
و أجرى أخبط
خبطتين على فجر ناسى
قالب الفرحة تعازى
و ف صالون قاعد يعفر
زفة و التانية و ألمك
و ف حوارى الضى أضمك
يعنى أزغرط تجرى ع الكوشة بسماحة
يا بهية و مستباحة
هو صوتى طالع بجاحة
قلبى دايب و أنتِ مش حاسة بصراحة
طب ها أقولك نبتسم
تلبسى لى إسود و قال كده نحتشم
تبتسم جوايا غنوة
هى شرقة زور يا حلوة و ف ترابك ها أترسم