قشرة

أحلام العيال طوابير ملايكة

البرافانات مطلية دهب قشرة

و قشرة الروح الجوانية
شجرة
بتدوب ف شم الخشب

شايل ف قلبى حتتين صيغة خشب

بيضخ رنة كعب ف ضلوعى

شالك على ضلوعى بيدفى ف السكة

ريحك يطل سما

الخطوة ترمح فرس

و تنط بره الشال

تغلبنى فيك ضحكة

يفرطنى الهوا ع الأرض

أنزل على دموعى

و أعيشك سكة مفتوحة على الخارطة

جمال م الصبر مجروحة

و نخل ف واحة عطشانة

بتطرح و الجدور ع الصخر

يا شريانك

بيسقى الزحمة

و ينقطنى آخر الخط بالمالح

عطش طافح

يخروش الهوا ف جنحى

أطير للشط جار الضى

أعلى السد بين ليلك و بين رمشى

و أغمى الفجر