صعب جداً تِبقى جنبى
كان ها يبقى الموت ف قلبى لون عيونك ف الغياب
من غير عتاب
ما أقدرش غير أتصورك من غير لقا
ما أقدرش غير بس أندهك
من خرم حلم
و ألضم حنين/ قضبان عيون متكتفين
حالف ما يوم يركع جبينك للسواد
و أنا بين حيطان أجرى تلاحق سكتى
تايهة البيبان
ها أرسم عيونك نجمتين
على كل زنزانة و حجر
و ألقى شفايفك يوم شروق
بره الحيطان
لمة إيدينى جوة قلبك
تسرقك لسنين كمان
و أرسم عيونك ع الجيران
ــــــــــــــــــــــ
2 سبتمبر، 2013
ليست هناك تعليقات:
إرسال تعليق