لقا

كلمة مش زى الكلام

ممكنة

تسرق زوايا الابتسام

و ابقى تايهة جوة مد ما لوش نهاية 

مد شوقك موجه نار تسهر معايا

و إنسج الايام كفوفك

بين خطوط كفك شفايفى بتصبح عليك

غنوة القلب تلاقيك بإبتسامة ف العيون

صورتى تسبق تملكك بين الجفون

مين ها يقدر يوم يفارقك من عيونى 

أسند الأيام وعرقك بين يدينى 

و الايدين تحضن تضم 

تنهيدة اللقا تستأذنك 

قبل ما تنسى زمانها ف مجلسك

طيرى سافر غصب عنى جوة منى يونسك

ـــــــــــــــــــ

11 مايو، 2013‏،

.....