و تحكى شهر زاد
لعشق بيعاند عيونها
يقفل على خيوط الكتاب
حواديت بتهرب جوة منها
من زمان و كان
نبضى مخالف سكته
يدخل ملفات الهوى
و يتوه يحن لوحدته
يعشق جنون الليل
و بعد الميل
يزعق ف السكات
و الصبح من بدرى يلملم دقته
مش حب فى الجنون
لكن هواه مجنون
يرقص فوق الجفون
و بعد يومين
يكسر رنة الأوتار
يدارى ضحكته
ليه ف الرحيل
عيونى بتدمع
و ابقى عايزة الوقت يرجع
و تانى يوم بأقول لنفسى انك بقيت
آخر معاد
نقطة وصول الليل
لعمر الأمنيات
منتهى السحر
و إنتهى جوة الساعات
و ألقى الأسامى إتبعترت
أكره سكات القلب
و أستنى كلمة
توهب الدقات
شريان يعاند سكتى
فجر يحفر ف السكات
ــــــــــــــــــــــــــــــــ
23 يناير، 2013،
ليست هناك تعليقات:
إرسال تعليق