يعصى عليا هواكى
يا غيم يعادى البدر
و أما يتوه الضباب
صورته ف بحر الزهور
تصبح ف لون الدم
يعصانى صبحك
و أموت بجرحك
و أصحى ف إيدين الشوارع
شمسك مواجع
تمسك عيونى عن البكا
و طريق حصى يجرح سكتى
و الخطوة تعصى لهفة لقاكى
يكبر ف حلقى عطش الغياب
يهجرنى نيلك
يعشق سرابه ف عيونى
يخاف يلم الجرح
يعصانى دق الساعات
و العمر يرحل سكات
يحفر ف لونك
بالخط الأحمر
حتى التراب ... يعصى يضم
ـــــــــــــــــــــــــــ
27 يناير، 2013،
ليست هناك تعليقات:
إرسال تعليق