بضع خطوات على "البنك" ...أتمنى الا يزعجنى أحد و ألا أقف لأنتظر صفوف الواقفين إجلالاً لحضرة الأموال .. والحارس الليلى القاتم الذى يجلس فى تربص دائم لحركة الوافدين ..أرهب عينيه...أين ذهب رفيقى ؟ فى العموم سيظهر لاحقاً فربما يتفحص الطريق ...أعبر الشارع و أنتظر بجوار الرصيف ...هؤلاء المارة لا طائل منهم سأنتظر رواد "البنك " فقط فلا أشتت إنتباهى ...ها هى هدف ممتاز..إمرأة و طفل فى مثل عمرى تقريباً ..أندفع من ظل الجدار ..
ـ أى حاجة آكل بيها ربنا يخليكى و يخلى لك إبنك ..
و يظهر زميلى : و النبى يا ست إدينا حاجة
ـ- إنتوا الإتنين أهه إقسموا مع بعض
بعد خطوتين ..
ـ يا ست يا ست الواد ما رضيش يدينى و جرى بيعدى الشارع اهه و النبى تدينى أنا
ـ- ما تقفش معاه تانى إمسك أهه
ـ ربنا يخليكى
مكتوب لك الضلمة
يا قلب وحيد
تتلم فوق بعضك
يعصى عليك دمعك
ورقك ما بيغطيش
و عيونى م القهرة
فاكرة يا دوب لمحة
من قصة الحواديت
حواديتى منسية
فوق هدمة مرمية
أشتاق لقول الآه
ألقاها محشوره
إتحجرت م البرد
يصاحبنى ألف طريق
يرمينى ف نهايته
يهادينى أغلى صديق
بعلامة فوق الخد
و القلب ينقص نبض
فوق الرصيف يتسد
الجرح من دمى
و الهدمة من لحمى
و الهدمة مقطوعة
و العمر سور.. و إتهد
ـــــــــــــــــــــــــــــــــــــ
9 نوفمبر، 2012
عجبتنى جدا يا ايناس البدايه والكلمات للقصيدة فعلا جميله
ردحذفربنا يسعدك يا نور زى سعادتى بتعليقك ده و إنها عجبتك .. منورانى
حذفعجبتني بدايتها اووي
ردحذفوالقصيدة بجد تحفة
تحياتي
ربنا يسعد قلبك يا جميلة ..مبسوطة بجد إنها عجبتك وبصراحة كنت مستنية رأيك
حذفتسلمى يا رب من كل سوء .. تقديرى
طيبة الأبيات أحسنت .. احسن الله اليكي
ردحذفطيب الله ذكرك أستاذى و رزقك عفوه و رضاه .. نورت المدونة
حذففكرة جميلة جدا ومدخل أكثر من راااائع
ردحذفتسلم ايدك يا نوسة .. وبانتظار المزيد من الإبداعات
تحياتي :)
تسلمى من كل سوء يا رب ..الجميل إنها عجبتِك و نورتينى
حذفتقديرى